قصيدة غرام أحباب ( طريق الغرام ) حامد زيد

قصيدة غرام أحباب ( طريق الغرام ) حامد زيد

على ذاك الطريق اللي يسمونه غرام احباب

وطت رجلي على دربه ولا ادري وش نوى فيني

تبعته لأخر دروبه الين القمر قد غاب

تعب قلبي ولا تعبت مسافات(ن)توديني

لقيت اليله الجرداء هدب وظل وسماء واعشاب

بعد ذاك الظلام اللي يتوهني عناويني

صدفتك معجبه فيني وياليت الغرام اعجاب

وتراك انتي الهنوف اللي هقيتك تستحقيني

عطيتك عشق من قلبي وسلمت لغلاك ارقاب

وغيرك يحترق قلبه ولايقدر يحاكيني

انا قبلك صدفة عيون لاكن ويش جاب لجاب

ترى كل العيون اللي لقتني ماتكفيني

رماني حظي العاثر معك وجيت لك طلاب

ولاانتي اللي عشقتيني ولاانتي اللي عتقتني

تعالي وارحمي ذاك الخفوق المولع المرتاب

ماهوب لاجلي عشان الله يجازيك ويجازيني

تعدى في سماء عشقي ولو عشقي خراب أصحاب

وصوني بالهواء نفسك قبل لا انتي تصونيني

وشيليني على متنك خفوق بارين منصاب

ومن فوق الغرام العذب شيليني وحطيني

وإلا منك هقيتيني شجاع ولا يطيق يهاب

أنا لك بالهواء والله مثل ما انتي هقيتني

أنا ممشى وراء غيرك ولوانه يطق الباب

وترى عيب على اطعن ولو كثرة سكاكيني

زهود ما يطيق الدم لا داين ولا طلاب

شجاع وعارف(ن) نفسي وأظن انك تعرفيي

غيور ما عرفت اضحك مع الغدر فبرود اعصاب

أبيع عيوني الثنتين قبل ما انك تخونيني

وان اشتد الغرام أحط قلبي بي ناب وناب

الفرقا التكسر ضلوعي ولاعشق(ن) يوطيني

انا رجل ولي غيره واذا شفت الهواء كذاب

تثور بقلبي الفزعة ولا تهدا شياطيني

سؤالك لو يزعزع بي كياني ماقبلت عتاب

أجي لك واسألك نفس السؤال اللي سألتيني

عن العشق القديم أبواب تقفيها كثيرأبواب

بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب

وأبي قلب على قلبي وابي دين(ن) على ديني

وأبي نظرة عطا توفي ولا تخلف بدون أسباب

وأبي منك قبل لا انتي تصديني توديني

وأبي درب على العذال صعب ومتعب وغلاب

وأبي نفس الطريق الصعب يبعدهم ويدنيني

ترا لو للقلوب عيون ولدموع العيون أهداب

حشا ما تنزل الدمعة لغيرك لو تركتيني.

أنا أول من عرف قدرك وأنا توي صغير وشاب

وأبي منك مادام انك عرفتـيني تحبيني

مادام أني لقيتك في طريق اسمه غرام احباب

دخيل الله وبعد الله دخيلك لاتخليني

مادام ان كل من يحيا على وجه التراب تراب

عسى تنساني الدنيا مادام انتي ذكرتيني